05-Apr-2012 12:41 AM തിരുവല്ല: പാഠം ഒന്ന് കൃഷി..." കൊയ്ത്തിനു പാകമാകാറായ നെല് കൃഷിക്കുമുകളില് മണ്ണിടാം..." ഒരു സസ്യശാസ്ത്ര അധ്യാപകന് ഇങ്ങനെ പഠിപ്പിക്കാന് കഴിയില്ല. ഗണിതശാസ്ത്ര അധ്യാപകന് ഇങ്ങനെ പഠിപ്പിച്ചാല് അതിശയിക്കേണ്ടതില്ല. നിരണം പഞ്ചായത്തിലെ നിരണത്തുതടം പാടശേഖരത്തിലാണ് സാക്ഷാല് "കണക്ക് വാധ്യാരുടെ" പുതിയ പഠന രീതി.... എന്റെ മരം പദ്ധതിയും ഹരിതകേരളം പോലെയുള്ള പദ്ധതിയും നടപ്പിലാക്കിയ കേരളത്തിന്റെ മണ്ണിലാണ് അധ്യാപകനേതാവിന്റെ പുതിയ മണ്ണിടല് സംസ്കാരം. നിരണം സെന്റ് മേരീസ് ഹൈസ്കൂളിലെ ഗണിതശാസ്ത്ര അധ്യാപകനും കോണ്ഗ്രസ് അധ്യാപക സംഘടനയായ കെപിഎസ്ടിയുവിലെ സംസ്ഥാന കമ്മിറ്റിയംഗവും, പത്തനംതിട്ട ഡിസിസി അംഗവുമായ നിരണം മണലേല് തെക്കേപ്പറമ്പില് വര്ഗീസ് എം അലക്സാണ് പുതുചരിത്രമെഴുതുന്നത്. അദ്ദേഹം സ്വതന്ത്ര അധ്യാപക സംഘടനയായ പിജിടിഎയുടെ നേതാവായിരുന്നു. പിജിടിഎ പിളര്ത്തി ഒരു വിഭാഗത്തിന്റെ സംസ്ഥാന പ്രസിഡന്റായിരിക്കെ മറ്റാരോടും ആലോചിക്കാതെ കോണ്ഗ്രസ് സംഘടനയായ കെപിഎസ്ടിയുവിലേക്ക് മാറുകയും സംസ്ഥാന കമ്മിറ്റിയംഗമാകുകയുമായിരുന്നു. നിരണം പഞ്ചായത്തിലെ 5-ാം വാര്ഡിലെ നിരണത്തുതടം പാടശേഖരത്തില് ഇദ്ദേഹത്തിന്റെ ഉടമസ്ഥതയില് പുഞ്ച പാടമുണ്ട്. നേരിട്ട് കൃഷിചെയ്യാന് തയ്യാറാകാതിരുന്ന നേതാവ് കോണ്ഗ്രസ് പ്രവര്ത്തകനായ മറ്റൊരുനേതാവിന് പാട്ടത്തിന് നല്കി. നാനൂറ് ഏക്കര് വരുന്ന പാടശേഖരത്ത് കൊയ്ത്തുതുടങ്ങി കഴിഞ്ഞു. ഇതിനോട് ചേര്ന്നുള്ള ഭാഗമായ പാടം ഇരുപത്തിരണ്ട് ദിവസത്തെ വിളവുകൂടി വേണ്ടിവരും. അപ്പോഴാണ് നെല്|കൃഷിക്കുമുകളില് മണ്ണിടാന് തുടങ്ങിയത്. സംഭവമറിഞ്ഞ് നാട്ടുകാരും സിപിഐ എം പ്രവര്ത്തകരും മണ്ണിന് മീതെ കൊടിനാട്ടി. ഈ പറമ്പിനോട് തൊട്ടുചേര്ന്ന് കോണ്ഗ്രസിന്റെ 6-ാം വാര്ഡ് മെമ്പര് തോമസ് മത്തായിയുടെയും ബന്ധുവിന്റെയും വസ്തുവും മണ്ണിട്ട് നികത്തുന്നുണ്ട്. ഇവിടെയും സിപിഐ എം പ്രവര്ത്തകര് കൊടികുത്തി മണ്ണിടല് തടഞ്ഞിരിക്കുകയാണ്. നിരണം വില്ലേജ് ഓഫീസില് ഇത് സംബന്ധിച്ച് പരാതി നല്കിയിട്ടുണ്ട്. ബുധനാഴ്ച രാവിലെ പരാതി നല്കിയിട്ടും അധികൃതര് സംഭവസ്ഥലത്തെത്താന് തയ്യാറായിട്ടില്ല. നിരണം പഞ്ചായത്തില്തന്നെ ഡിസിസി വൈസ് പ്രസിഡന്റിന്റെ നേതൃത്വത്തില് പാഠം നികത്തുന്നത് അടുത്തസമയത്ത് മാധ്യമങ്ങളില് വാര്ത്തയായിരുന്നു. ഇതിനുതൊട്ടുപിന്നാലെയാണ് തൊട്ടടുത്ത് നിരണത്തുതടം പാടശേഖരം മണ്ണിട്ട് നികത്താന് അധ്യാപക സംഘടനയിലെ കോണ്ഗ്രസ് നേതാവ് രംഗത്തുവന്നിരിക്കുന്നത്. സിപിഐ എം നിരണം ഡക്ക്ഫാം ബ്രാഞ്ച് സെക്രട്ടറി ബിനീഷ്കുമാറിന്റെ നേതൃത്വത്തില് പാര്ടി പ്രവര്ത്തകരും നാട്ടുകാരും ചേര്ന്ന് കൊടികുത്തി മണ്ണിടുന്നത് തടഞ്ഞിരിക്കുകയാണ്്
dehsabhimani
dehsabhimani
No comments:
Post a Comment