ന്യൂഡല്‍ഹി: ലോകത്തിലെ ഏറ്റവും വില കുറഞ്ഞ ടാബ്ലറ്റ് കംപ്യൂട്ടര്‍ ഇന്ത്യ പുറത്തിറക്കി. 2250 രൂപയാണ് ആകാശ് എന്നു പേരിട്ടിരിക്കുന്ന ടാബ്ലറ്റിന്റെ വില. മാനവ വിഭവ ശേഷി മന്ത്രാലയമാണ് ടാബ്ലറ്റ് വിതരണം ചെയ്യുന്നത്. പത്താം ക്ളാസ് കഴിഞ്ഞ വിദ്യാര്‍ഥികള്‍ക്കാണ് തുടക്കത്തില്‍ ടാബ്ലറ്റ് നല്‍കുക. ടാബ്ലറ്റിന്റെ പകുതി വില സര്‍ക്കാര്‍ സബ്സിഡിയായി നല്‍കും. ഫലത്തില്‍ വിദ്യാര്‍ഥികള്‍ക്കു 1125 രൂപയ്ക്കു ടാബ്ലറ്റ് കംപ്യൂട്ടര്‍ ലഭിക്കും.
ഐഐടിയാണ് ലോകത്തിലെ ഏറ്റവും വില കുറഞ്ഞ ആകാശ് ടാബ്ലറ്റ് കംപ്യൂട്ടര്‍ വികസിപ്പിച്ചെടുത്തത്. ആന്‍ഡ്രോയിഡ് ടാബ്ലറ്റുകളുടെ എല്ലാ സവിശേഷതകളും ആകാശ് ടാബ്ലറ്റിലുണ്ട്. 7 ഇഞ്ച് ടച്ച് സ്ക്രീന്‍, ആന്‍ഡ്രോയിഡ് 2.2 ഓപ്പറേറ്റിംഗ് സോഫ്റ്റ്വയര്‍ എന്നിവയാണ് ടാബ്ലറ്റിലുള്ളത്. എച്ച്ഡി വീഡിയോ കോ പ്രൊസസര്‍ മികച്ച ദൃശ്യശ്രാവ്യ അനുഭവം നല്‍കും. 3ജിയും വൈഫൈയും ഇതില്‍ ഉള്‍പ്പെടുത്തിയിട്ടുണ്ട്. ഇബുക്ക് റീഡറായും ടാബ്ലറ്റ് ഉപയോഗിക്കാം. ഹൈദരാബാദിലാണ് ടാബ്ലറ്റിന്റെ നിര്‍മാണം നടക്കുന്നത്. ഇതുവരെ ഒരു ലക്ഷം ആകാശ് ടാബ്ലറ്റുകള്‍ നിര്‍മിച്ചെന്നാണ് റിപ്പോര്‍ട്ട്. |
No comments:
Post a Comment