Thursday, June 30, 2011

പൊതുവിദ്യാഭ്യാസത്തെ സംരക്ഷിക്കാന്‍ അണ്‍എയ്ഡഡ് സ്‌കൂളുകള്‍ക്ക് എന്‍.ഒ.സി. നല്‍കാനുള്ള സര്‍ക്കാര്‍ തീരുമാനം പുനഃപരിശോധിക്കണമെന്ന് ജി.എസ്.ടി.യു.

Posted on: 01 Jul 2011



തിരുവനന്തപുരം: പൊതുവിദ്യാഭ്യാസത്തെ സംരക്ഷിക്കാന്‍ അണ്‍എയ്ഡഡ് സ്‌കൂളുകള്‍ക്ക് എന്‍.ഒ.സി. നല്‍കാനുള്ള സര്‍ക്കാര്‍ തീരുമാനം പുനഃപരിശോധിക്കണമെന്ന് ജി.എസ്.ടി.യു. സംസ്ഥാന പ്രസിഡന്റ് ജെ. ശശി പറഞ്ഞു. വിവിധ ആവശ്യങ്ങള്‍ ഉന്നയിച്ച് ജി.എസ്.ടി.യു. സെക്രട്ടേറിയറ്റിന് മുന്നില്‍ നടത്തിയ ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം.

ജനറല്‍ സെക്രട്ടറി എം. സലാഹുദീന്‍, പി. വസന്തകുമാരിയമ്മ, മുഹമ്മദ്‌റാഫി, നിസാം ചിതറ, ജോസ്‌വിക്ടര്‍, കെ. യേശുദാസന്‍, ശ്രീനിവാസന്‍, ഇ.എ. റഹിം, രാജ്‌മോഹന്‍, ശ്രീകുമാര്‍ എന്നിവര്‍ പ്രസംഗിച്ചു.

  • ഏകീകൃത സിലബസ് നടപ്പിലാക്കുക,
  • 1:30 അനുപാതം നടപ്പിലാക്കുക,
  • ശമ്പള പരിഷ്‌കരണത്തിലെ അപാകങ്ങള്‍ തിരുത്തുക,
  • പെന്‍ഷന്‍ പ്രായം ഉയര്‍ത്തുക തുടങ്ങിയ ആവശ്യങ്ങളും ഉന്നയിച്ചായിരുന്നു സമരം.--
--

വായനവാരത്തില്‍ ആയിരം വായനക്കുറിപ്പുകള്‍ തയ്യാറാക്കി

ആലക്കോട്:'വായിച്ച് വളരുക, ചിന്തിച്ച് വിവേകം നേടുക' എന്ന ലക്ഷ്യത്തോടെ വായനവാരക്കാലത്ത് രയരോം ഗവ. യു.പി. സ്‌കൂളില്‍ ആരംഭിച്ച 'പുസ്തകങ്ങള്‍ കൂട്ടുകാര്‍' എന്ന പദ്ധതിയുടെ ഭാഗമായി കുട്ടികള്‍ വായിച്ച ആയിരം പുസ്തകങ്ങളുടെ വായനക്കുറിപ്പുകള്‍ പ്രസിദ്ധീകരിച്ചു. വിദ്യാരംഗം കലാ സാഹിത്യ വേദിയുടെ നേതൃത്വത്തില്‍ കുട്ടികളുടെ തുടര്‍വായന ശക്തിപ്പെടുത്താന്‍ തീരുമാനിച്ചു.

പദ്ധതിയുടെ വിജയത്തിന് അമ്മമാരുടെ പിന്തുണ ലഭിക്കുന്നതായി പ്രധാനാധ്യാപകന്‍ കെ.എസ്.മുരളിയും വിദ്യാരംഗം കലാ സാഹിത്യ വേദി ചെയര്‍മാന്‍ എ.ആര്‍.പ്രസാദും അറിയിച്ചു. വായനക്കുറിപ്പുകള്‍ ഡി.മാത്തുക്കുട്ടി പ്രകാശനംചെയ്തു
--

No comments: